جلب الرزق و جربتها النهاردة مش هتصدقوا
بالله العظيم الكلام دة حصل بالظبط
انا بشتغل موظفة في شركة خاصة و بقالي فترة دايما مش معايا فلوس او بتتصرف بسرعة و مش عارفة راحت فين
قرأت هنا عن فضل سورة الواقعة و بقالي 3 ايام متواصة بقرأها
لاني فعلا مكانش معايا فلوس خالص و عايزة اجيب حاجات لبنوتي ضرورية
و الله العظيم النهاردة لقيت المدير بتاعي بيندهلي و بيديلي 1000 جنيه و لما سألت ليه قالي حاجة غريبة المدير الاقليمي (لاننا شركة عالمية امريكية) قرر النهاردة بس و من غير مناسبة يصرف بونس لكل العاملين في مصنع مصر
الراجل دة معروف بالبخل اصلا و انه مش بيصرف بونس ابدا خصوصا ان نتائج المصنع بتاعنا مش قد كدة
سبحان الله عالم بالحال و انا اخدت بالاسباب و دعيت و ربنا استجاب شوفتوا فضل قراءة القرآن الكريم
ارجوكم التقييم علشان كل الفتوكات يستفيدوا انا حبيت احكيلكوا لاني فرحانة قوي
و اللهي مش بالفلوس قد فرحتى ان ربنا استجاب دعائي و حسيت انه قريبة من ربي
منقول