السلام عليكم
النهاردة حبيت اقارنلكم واحكيلمم على تجربتى مع منتجات التفتيح
ومع العلم انى مش سمرا ولا حاجة
بس بشرتى دهنيه مختلطة وكان عندى اثار حب الشباب
ومحبتش شكلها وسمعت ان كريمات التفتيح بتخفى اثار الحبوب
وكمان بتدى اشراقه للبشره


اولا
مجموعة اولاى للتفتيح




كريم النهار+كريم الليل+الغسول

استخدمت مجموعة اولاى لفتره
مش طويله بس حسيت بفرق فاثار الحبوب وانها افتحت نسبيا عن الاول
بس ما اختفتش خالص
1-كريم النهار
حلوبيخفى اثار الحبوب وبيفتح
بس بيدهنن ومناسب اكتر للبشره العاديه او الجافه
2-كريم الليل
معظم كريمات الليل بتكون دهنيه عشان كده محبتوش اوى
بس هو حلو مع ناس اصحابي جربوه
3-الغسول
غير رغوى يعنى مجرد غسول تنظيف

وانا عن نفسي بحب الرغوووووووة
هههههههههههه واحب العب بيها
ههههههههههههه
يعنى بالنسبه لغسول هو عادى

الخلاصه ان مجموعه اولاى اكيد هتكون هايله اكتر للبشره العادية او الجافه
وصديقتى مجرباها وبتشكر فيها جداوهى بشرتها عاديه
بالنسبه للاسعار اعتقد انه فمصر
كريم النهار والليل مابين35او40
والغسول 30او35


ثانيا
مجموعة بوندس الوردى للتفتيح


بصراحة اكتر من رائعة
قعدت فتره بعد مابطلت اولاى مش بستخدم اى حاجة
وبعدين مع الحمل حسيت ان وشي بدا يظهر فيه بقع حمرا وبعدين تغمق
طبعا خفففففففت جدا ليكون ده كلف الحمل

واختى ربنا يكرمها نصحتنى استعمل كريمات بوندس الوردى للتفتيح
وطبعا منتجات بوندس معروفة وغاليه والغالى تمنه فيه
وبقالي شهرين اهو بستعمله

1-كريم النهار
تحفة جداااااا ومع ان بشرتى دهنيه بس مش بيدهنن خالص وممكن يفضل طول النهار
وبحس انى بشرتى فاااااااتحة ومشرقه
والبقع الغامقة فوشي راحت خالص الحمد لله
وساعات بحطة ككريم اساس فالبيت وبحط عليه الميكاج

2-كريم الليل
بيدهنن شويه بس بتمتصه البشره بليل وبصحى اصبح الاقي بشرتى شربته
وطبعا هو لتجديد خلايا البشره
عشان كده فعلا لاحظت الفرق فوشي الحمد لله

3-الغسول
جامد جدا ومفيش احلى من كده هو غسول رغوى
ياسلاااااااام بقعد اغسل بيه وارغي بقي براحتى وشي ورقبتى وايدى كمان
هههههههههههههه
وبحس انى بعد مابغسل وشي ان وشي نور فالضلمه

الخلاصة ان مجموعة بوندس احلى بكتييييييير
والحمد لله انى لقيت حاجة تنفع معايا
بالنسبه للاسعار مش عارفة فمصر بكام بس هى بتعدى ال90او100



وياريت بقي كل واحدة جربت حاجة من المنتجات دى تقول تجربتها وكمان
متنسيش الاستفتاء اللى فوق


ويارب اكون افادتكم ولو بحاجة بسيطة
بحبكم في الله