عااااجل.... اعلنت نقابة التجاريين عن قبول دفعة جديدة فى منحة نقابة التجاريين (لعدد محدود) مع الاحتفاظ بنفس المزايا التى كانت متوفرة للدفعة السابقة من حيث الشهادة المعتمدة والتدريب العملى وتدريب الاوائل فى مكاتب محاسبة كبرى وفى حالة تميزه يمكن تعيينه

ودول اسماء اللى اترشحوا للتوظيف فى الشركات بعد مخلصوا الدفعة السابقة
http://www.egyptcorner.com/egypt/showthread.php?t=9072


ادى تفاصيل المنحة



السلام عليكم

هل اتخرجت من كلية التجارة او ما يعادلها وبتدور على شغل ومش لاقى؟

عايز تشتغل محاسب فى شركة كبيرة او مكتب محاسبة ومش عارف؟

هل بتبعت لشركات كتير ومحدش بيتصل بيك؟

او حتى لما بيتصل بيك لانترفيو مبتعديش منها؟


ده شئ طبيعى لان الدراسة كلها نظرية فى الكلية ومبيعرفوناش حاجة عن الواقع العملى

كمان انت مش متعود على جو الشغل ودورة العمل ماشية ازاى


علشان كده نقابة التجاريين بالاسعاف قررت تعمل منحة مدعمة لتاهيل خرجين التجارة (وما يعادلها) انهم يلاقوا وظيفة

(مش لازم تكون عضو فى النقابة...المنحة مفتوحة لاى حد)


محتوى المنحة


اكبر مفاجاة ان النقابة حتدرب افضل 3 فى الكورس فى اكبر مكاتب محاسبة فى مصر ولو اثبتوا نفسهم ممكن يتعينوا......وده مش موجود فى اى كورس محاسبة قبل كده فى مصر


اسماء الفائزين بتدريب مكاتب المحاسبة فى دفعة يناير 2012
http://www.egyptcorner.com/egypt/showthread.php?t=8716


شهادة معتمدة من نقابة التجاريين ويمكن توثيقها من الخارجية

البرنامج لن يكون دراسة مثل الجامعة ولكن 70% منه سيكون عبارة عن حالات عملية لفواتير فعلية لشهر لإحدى الشركات وحتشتغل عليها بايدك من حيث قيود المخازن والعملاء والميزانيات

يعنى حتقعد كانك شغال محاسب فى شركة او مكتب محاسبة بالظبط

كمان نقطة مهمة ان اللى بيدرس الكورس محاسبين من مكاتب محاسبة كبيرة وبيعملوا مقابلات لموظفين كتير وبالتالى حيعرفوك ازاى تتعلم تعدى من اى انترفيو تدخل فيها

اهم حاجة فى البرنامج ان نقابة التجاريين هى اللى بتنظمه وبالتالى مستواه حيبقى قوى جدا وشهادته معتمدة عند اى شركة

وبعد متخلص الكورس حيبعتولك كل الوظائف الخالية اللى طالبة محاسبين حديثى التخرج




شروط الحصول على المنحة

- مصرى الجنسية

- طالب او خريج احد كليات او معاهد التجارة (المهم ان يكون درس محاسبة سابقاً)

- الالتزام بحضور كافة المحاضرات

-تعقد المحاضرات بالقاهرة فقط



مواعيد ومكان انعقاد الكورس:

الكورس العادى: سيبدا الجمعة 4 مايو بنقابة التجاريين فى الاسعاف (بجوار محطة انفاق احمد عرابى) ولمدة شهر كل يوم جمعة من الساعة 1:30 حتى الساعة 4:30 تقريبا



الكورس المكثف: سيعقد الاثنين والاربعاء لمدة اسبوعين من الساعة 6 حتى الساعة 9 مساء بداية من 7 مايو تحت اشراف النقابة بمؤسسة ال سى تى بمدينة نصر


السعر بعد الدعم

لفترة مؤقتة السعر بعد الدعم 300جنيه فقط+ 50 جنيه رسوم اعتماد الشهادة (سيرتفع السعر مرة اخرى فى الدورة القادمة)


للتقديم

تقدم طلبات الالتحاق مصحوبة بالمستندات إلى نقابة التجاريين بالاسعاف بجوار محطة انفاق احمد عرابى لدى استاذة مروة يوميا من 10-4 مساء